生活投資日誌「財經資訊,專家引路。」 曹仁超 - 陳永陸 - 沈振盈 - 恆指圖表 - 乾坤燭 - 信報 - 投資教學 任志剛 - 銀行體系結餘: 2009年7月20日

2009年7月20日 星期一

銀行體系結餘 2009-Jul-17

銀行體系結餘
194,474 百萬 (unchanged)

乾坤燭 - 指數圖表 2009/07/17

淡勢圖形被昨周的強力島嶼轉向所取代, 若市能連續兩周收高於周圖雲帶, 市將全面轉好.


恆指日圖
恆指周圖

曹仁超 投資者筆記 -股場賺錢唔易 - 2009 07 20

股場賺錢唔易

19-7-2009 星期日, 從通用汽車申請破產到比亞迪(1211)發展電動汽車引發股價狂升,證明寬鬆貨幣政策下,實體經濟在萎縮而虛擬經濟却極之吸引投資者。投資市場早已成為「夢工場」;從1987年股災到1997年亞洲金融風暴、2000年科網股泡沫爆破到2007年金融海嘯,泡沫一個又一個破裂然後由另一泡沫取代;投資市場甚至不再係投機,而係「賭」眼光,情況有如喺賭場內開「大細」。買中者賠雙,買錯者一無所有。高盛第二季純利34億美元,係上市以來最多一季;而發放花紅,平均每位僱員可獲60萬美元(當然唔係平均分配)。另一方面,CIT卻面對破產命運。兩間都係金融機構,表現卻可以咁極端!

中國今年上半年出口減少22%,响新增貸款上升201%情況下,物業出售額上升53%。汽車銷售上升17%、零售上升15%,令GDP第一季上升6.1%、第二季上升7.9%。估計第三季上升8%或以上、第四季上升9%,中國今年經濟成功出現V形反彈(Too good to be true)。

圖表不能分析指數
上周道指形成頭肩頂後,喺200天線獲支持抝腰反升,估計本周挑戰6月11日8877點。再次證明我地不能用圖表去分析指數走勢;分析指數走勢仍以移動平均數最為有用。我老曹再次強調,圖表只能用作分析個別股份走勢。

至今恒生指數仍响16740至19162點之間浮沉,股市經過長期信貸擴張期後,喺2007年10月出現信貸爆破,急跌至去年10月。响各國政府先後提供刺激經濟方案後,全球股市先後回升。美國喺利率跌至接近零後,道指亦從今年3月6日6469點回升到6月11日8877點;基於Last in, First out理論,呢次股市最遲上升係道指,理論上最先回落亦應該係美股。從3月到6月嘅美股上升,到底係熊市反彈定係綠芽?家吓美國住宅單位仍有超過一百萬家,喺未來四年內需重新訂下供款條件(俗稱Arms),新供樓負擔平均上升。理論上,美國樓價喺2012年前無法見底;何況美國失業率仍上升中,但6月份新屋動工量又回升,今年3月起採用嘅量化寬鬆貨幣政策,能否扭轉美國經濟大方向?

黃金交叉陷阱
我地呢一代香港人好幸運,本港共經歷過三次繁榮期。第一次由1967年到1981年,共十四年;第二次由1984年到1997年,共十三年;第三次由1998年至2007年10月,共九年。第一個上升浪恒指升幅高達二十六倍;第二個上升浪恒指升幅亦達二十二倍;第三個上升浪恒指升幅只有五倍。香港經濟經過三浪上升後擔心已進入A、B、C下跌浪,第一個巨型下跌浪由2007年10月開始到2008年10月結束;可能係巨型下跌浪中嘅浪A,跌幅達到66.5%。通常喺大跌市之後未來十二個月,恒指可出現一段幾大升幅嘅日子(例如1984年7月13日至1985年8月19日,恒指升幅達129.4%;1989年6月6日至1990年7月23日,恒指升幅76%;1995年1月23日至1996年2月16日,恒指亦回升68.3%;1998年8月13日至1999年7月5日,恒指升幅達到122%;2003年4月25日至2004年3月1日上升68%。過去五次恒指大跌後嘅反彈平均升幅達到92%)。7月份亦出現恒指50天線升穿250天線訊號;如喺熊市第三期出現,例如1998年8月13日恒指由6544點上升之時,政府動用1000億元入市吸納恒指成分股,不但成功擊退國際大鱷,並令恒指喺同年12月出現50天線升穿250天線【圖一】,確認牛市重臨訊號後一直上升到2000年3月,呢個牛市才結束。另一次升市從2001年9月21日恒指8894點起步,到2002年6月恒指50天線亦升穿250天線【圖二】,但事後證明只係走勢陷阱,恒指由2002年4月高位12000點回落到2003年4月份8331點低位,跌幅達30%。今年7月50天線又再升穿250天線,呢次又點?





輸二成要止蝕
經濟周期話畀我地知,股市波幅可以好大,任何投資者皆逃唔出經濟周期嘅影響。假如有人喺1973年3月恒生指數1774點時入市,便要等到1981年7月先能打和(呢個係未計金錢購買力喺七年內嘅損失)。至於喺1997年8月8日恒生指數16820點入市者,要等到2000年1月先打和。不幸嘅係2007年10月30日恒指31958點入市者,更加唔知道幾時先能打和(就好似係1997年第三季响本港購入普通住宅物業者,至今仍未打和)。

有人問點解虧損一旦達到20%便要不問理由止蝕?理由係虧損一旦達到20%,未來必須賺回40%先能打和。如畀虧損擴大到50%或以上,喺未來必須賺回100%以上先能打和。如類似2007年10月到去年10月嘅大跌市,跌幅達到66%,更必須賺回133%先打和。情況好似燒傷皮膚20%面積仍有得救,一旦燒傷面積達66%便極之難救。因此,無論幾時亦不容許喺投資上虧損超過總投資金額20%。响經濟向上周期如喺高位入貨,亦需等七年時間先能打和;如將經濟向下周期投資者喺高位入貨,何時先打和(日本人已等咗二十年、仍未打和)。

1973/74年及1981/82年二次香港經濟大衰退後,雖然恒指由1974年12月至1976年3月從150點上升到465點(升幅210%),實體經濟要到1978年先繁榮起來。至於1982年12月2日嗰次恒指由676點上升到1983年7月21日1102點,升幅63%,實體經濟亦要到1985年先繁榮起來。呢次恒指由去年10月27日10676點上升到今年6月12日19161點,上升79%,如香港經濟係明年復蘇,代表呢次黃金交叉訊號係真嘅;反之便係另一次走勢陷阱。各位應記住,股票市場唔係一處經常好容易賺錢嘅地方(The market is not always that easy to take advantage of)。

債券先係贏家
1970年我老曹剛開始寫文章,有前輩話香港係一個「發達容易、搵食艱難」嘅社會。家吓回顧,真係好佩服呢位前輩嘅眼光。喺1970年隨便買一個住宅單位(當時五百呎住宅單位,只賣6萬元);又或買隻大藍籌股(當年恒生指數100點),今天已係一千幾百萬元身家嘅小富翁啦。1990年後發現日本人「保持富有」日漸困難,1997年後輪到香港人保持富有亦日漸困難;2007年後甚至美國人保持富有亦愈來愈困難。

市場開始把富人分類——有錢有智慧者,仍然可以繼續富有落去;反之,只憑一時勇氣亂博一通而一朝發達者,卻面對淘汰,例如1997年嘅神童輝就係典型有勇無謀者。2007年10月後嘅富人淘汰賽,便更激烈;喺1997年時林行止提出我老曹都附和嘅意見——1997年起喺投資市場應持盈保泰,因為自1997年起,香港已進入It's a hard life to be rich時代(保持富有愈來愈困難)。

世界銀行宣布,今年全球GDP收縮2.9%,而唔係年初估計上升1.7%。聯儲局已買入按揭證券共1.25億美元去阻止信貸收縮,今年秋天前完成購入3000億美元國庫券;但美國實體經濟又點?全球經濟增長能力已被去年嘅金融海嘯摧毀了。雖然今年上半年股市大升,但美國人仍唔敢消費。世界銀行主席佐利克畀G8嘅信認為,今年下半年經濟仍十分嚴峻,同時亦唔肯定復蘇可以喺明年出現。滙控(005)主席葛霖認為,雖然金融危機發生快二年了,但最惡劣嘅日子仲未過去!Federated Fund策略員Ross認為,今年3月到6月嘅美股上升係熊市反彈;估計標普500將今年每股獲利只有40美元(如不計撥備,每股獲利63美元)。標普500公司中有二百五十二家公司嘅「內幕人士」喺過去十四個星期,都在大手出貨(內幕人士買入同賣出嘅比例由3月份1比1上升到6月份9比1,係過去二年內最高)。家吓標普500平均P/E十八點五倍,較過去三十四年平均P/E十六點八倍略為偏高。Jeremy Grantham(GMO主席)認為,去年起我地正面對七隻瘦牛,因2008至2014年美國企業純利升幅極有限,當美股企業純利進入低增長期,能否支持標普500嘅十八點五倍P/E?

戰後美國人嘅借貸膨脹愈演愈烈,到2007年終於出現泡沫爆破。美國人由開始時只係借錢做生意,然後借錢買樓到最後借錢消費。到2005至2007年美國人更進入零儲蓄率嘅時代。

不過,今年6月美國人儲蓄率已重返7%,擔心明年更進一步上升到9%。2003到2007年美國消費者共借入7萬億美元作為消費用,到去年已頂唔順,借錢消費已大減。依家美國一億個家庭年平均收入只有4.3萬美元,係咪可以長期支持類似2003至2007年式消費。美國5月份貿赤260億美元,係1999年11月以來最少。入口減少0.6%,出口上升1.6%。

根據Ibbotson Associates計算,自1926年起美國股票平均每年回報率高出長期債券6.5%。家吓10年期債券利率3.8厘,即標普500未來升幅必須可以媲美過去五十年(每年平均升幅9%),才可把資金留住喺股市。美國經濟自五十年代起,出現二個超級大牛市(只有1966到1982年係上落市),未來仲可以咩?好多人或許冇留意過去二十年(1989年6月17日到2009年6月17日),標普500平均每年只能上升7.7%;反之,10年債券平均每年回報率達8.7%。股票喺過去二十年早已跑唔贏債券了。

日本GDP曾二度大增
從1929到1932年期間,道指亦曾出現過110%反彈,然後又再回落至1932年。至於日經平均數從1990年至今,升幅超過20%共有八次,但依家嘅日經平均指數仍較1990年1月低75%。1990年起日本經濟由高增長期進入低增長期,令一度高企嘅日本股市及房地產價格,進入長達二十年嘅調整期。由於日本居民嘅高儲蓄率及擁有大量海外投資;加上政府實行低(或零)利率政策,過去二十年日本並冇出現類似南韓、泰國、印尼甚至香港嘅V形經濟,只係慢慢咁由燦爛走向平淡。

過去二十年日本GDP亦曾出現二次較大幅度增長期:第一次是由1995至1999年,為期五年,主因係日圓滙價由1994年嘅78兌1美元回落,資金從海外大量回流日本所引發;隨着美國科網股爆破,2000年起日本經濟又再次陷入衰退。第二次係2001年小泉上台後推行一連串金融改革;加上2004年起實施長期零利率政策,令日本經濟自2003年起出現復蘇,到2007年隨着美國次按危機爆發而結束亦只有五年。

實戰理論 [沈振盈] 2009 07 20

內房股落後

港股4日升幅逾 1600點,恒指又再度直逼 19000點水平。回升力度之強,確實有點兒意外。指數於 7月初回落,最低落到 17200點水平附近,從高位已回調了近 2000點,但卻較筆者的目標 16400點仍有近 800點的差距。以上周之反彈力度看,估計未來 4至 6星期的波幅應會上移,介乎 17500-20000點。
本周市況未必能夠持續大升,始終下周又是期指結算時間,而期權方面亦於 19000 Call聚了大量未平倉合約。故此,相信大市本周再升的空間不大,反而有機會回試 17800-18000點水平。

上周推介的勝獅貨櫃( 716) 3日大升逾三成,這正反映港股又再進入「炒股不炒市」的狀態。恒指大市只是大型上落市,指數的波動對部份早已先於大市回落的股份,自然不受影響。

本周可留意內房股板塊,皆因相比其他股份,其走勢已超落後。過去兩周,內房股大部份已作出回調,主要是配股頻仍,以及內地有銀行收緊第二套房的按揭,令到去周的反彈也沒有內房股的份兒。到了上周五,才開始見內房股龍頭有所異動。此板塊之中,筆者較喜歡瑞房( 272)、上置集團( 1207)、沿海家園( 1124)及中國奧園( 3883)。

港鐵



7月份港股先跌後回升,仍處上落市格局。恒指從 5月份出現突破後, 6、 7月份已在 17000-19000點波幅內橫行了 8星期,相信踏入 8月份應可出現單邊市。在牛市中去捕捉調整浪並不容易,而且就算指數下調,個別股份也並不跟隨。藍籌股之中,港鐵( 066)走勢算是強勁,從月初開始,恒指跌 2000點,港鐵不跌反升,已醞釀破頂之勢。

財智語陸 [陳永陸] 2009 07 20

財智語陸 [陳永陸] 2009 07 20

周一才跌穿了 50日線水平,周五幾乎升近萬九,走勢極為戲劇性。恒指急升暴跌,「陰謀論」者皆認為是大戶要殺牛熊證的結果,假設短期此立論成立,那就要留意牛熊證的分佈了。以目前大市的氣勢,似宰熊比較容易,而熊證的收回價集結在 19000至 19500點之間,看目前的形勢恒指似乎仍有破位的空間。撇除陰謀論而言,目前滙控( 005)及中移動( 941)兩大藍籌仍未真的有大動作,如大市要再挾,此兩者很大程度成為助燃器,追落後者不妨留意。不過要留意殺完倉後仍有回吐壓力,因美國企業業績仍有反高潮的可能。

中海油



上周已指出,中資股不論短中線仍會跑出,資源股仍是短期焦點,主要是賭美元回順對商品價格支持的概念。上周五中海油( 883)尾市急抽,雖說成交不大,但勝在升勢夠急,當其時也摸不着頭腦,自己估計是印尼酒店爆炸可能觸發對恐怖襲擊的憂慮,油價會借勢炒上,大家補定貨而已。不過,姑勿論甚麼理由,之前建議 9元水平買入中海油,是一個中長線的部署,有貨底者不妨加注累積。早前建議順勢買的半新股,日前旭光( 067)及中金再生( 773)先行破位,如投機性追落後,可留意霸王集團( 1338)及琥珀能源( 090)。
近日認識了一位從事內地旅遊生意的朋友,指行業發展很不錯。跟香港不同,內地的旅遊業非常倚重本土客源,早前內地旅遊局亦公佈,今年首季國內旅遊人數較去年同期增長 9%,如果借消息炒作,內地酒店股短期可多加留意。

在港上市經營酒店業務的公司不少,但主營內地酒店業務就只有錦江酒店( 2006),錦江目前是內地第二大經濟型酒店營運商,截至上年,已開業及籌建中的酒店及經濟型旅館就有 465家,網絡遍及中國 31個省、自治區和直轄市的 120個城市。集團去年純利倒退近 3成至 2.7億元人民幣,但其持有 50.32%的 A股附屬公司──上海錦江國際酒店發展股份(滬: 600754),今年首季純利按季升 44%,至 9913.94萬元人民幣,相對對手表現更佳。再者,錦江以上海為基地,有近兩成半的酒店均位於上海,世博明年在上海舉行,相信旅客增多會有利公司盈利,加上上海概念,不妨留意。